Urologiya Şöbəsi

Naxçıvan Mərkəzi Xəstəxanasında Urologiya şöbəsi 33 çarpayı üçün nəzərdə tutulmuşdur. Naxçıvan Mərkəzi Xəstəxanasının Urologiya şöbəsi xəstəxananın 4-cü mərtəbəsində yerləşir.  Uroloji xəstəliklər həm kişilərdə, həm də qadınlarda geniş yayıldığı üçün bu xəstəliklərə xüsusi diqqət yetirmək lazımdır. Məhz bu məqsədlə Naxçıvan Mərkəzi Xəstəxanası Urologiya şöbəsinin yüksək ixtisaslı mütəxəssisləri, müasir tibbi texnologiyanın ən son imkanları ilə təchiz edilmiş əməliyyatxana, anesteziologiya və palatalar 7 gün 24 saat ərzində Sizin xidmətinizdədir.

Naxçıvan Mərkəzi Xəstəxanasında Urologiya şöbəsi qadın və kişilərin sidik sistemləri, kişilərin sidik cinsiyyət sistemi xəstəliklərinin diaqnostika və müalicəsi ilə məşğuldur. Sidik cinsiyyət sistemi dedikdə: böyrəklər, sidik axarları, sidik kisəsi, prostat, sperma kanalı, sidik kanalı, testislər və kişi cinsiyyət orqanı ilə bağlı xəstəliklərin diaqnostikası və müalicəsi nəzərdə tutulur.

Naxçıvan Mərkəzi Xəstəxanasında Urologiya şöbəsi bütün uroloji xəstliklərin tam mükəmməl aradan götürülməsinə əminlik yaradır. İxtisaslaşmış həkim heyətindən ibarətdir. Naxçıvan Mərkəzi Xəstəxanasında Urologiya şöbəsində endourologiya, yəni kəsik olmadan böyrək və sidik axarı daşının çıxarılması prosesləri mövcuddur.

Hazırda Urologiya şöbəsində uzman həkimlər tərəfindən müasir urologiyanın aşağıda göstərilən sahələri üzrə geniş şəkildə əməliyyatlar aparılır:

ENDOUROLOGİYA

Tibdə xüsusi bir istiqamət olan Endourologiya kəsiksiz sidik sistemin müayinə, diaqnostika və müalicəsini etməyə şərait yaradır. Digər cərrahi müalicə üsulları ilə müqayisədə Endouroloji üsulla aparılan əməliyyatlarla daha yüksək nəticə əldə etmək olur. Bu cür əməliyyatdan sonra xəstələr daha tez reabilitasiya olurlar və normal həyatına qayıdırlar.

• Endoskopik internal uretrotomiya (EİU) – sidik kanalı darlıqlarının endoskopik cərrahiyyəsi
• Perkutan Nefrolitotripsiya (PNL) – böyrək daşlarının endoskopik cərrahiyyəsi
• Prostatın transuretal rezeksiyası (TUR-ST) – prostat adenomasının endoskopik cərrahiyyəsi
• Sistolitotripsiya – sidik kisəsi daşlarının endoskopik cərrahiyyəsi
• Sidik kisəsi törəmələrində transuretral rezeksiya (TUR-ST)
• Ureterorenoskopiya (URS) və Ureterolitotripsiya – sidik axarları daşlarının endoskopik holmium lazer cərrahiyyəsi

LAPAROSKOPİK UROLOGİYA

Ən son nailiyyətlərdən biri olan Avropa və ABŞ-da klinikalarında geniş istifadə edilən Laparoskopik uroloji əməliyyatlar Naxçıvan Mərkəzi Xəstəxanasının Urologiya şöbəsinin prioritet istiqamətlərdən biridir. Əməliyyatdan sonra yaranın tez sağalması və bərpası, qanaxmanın minimuma endirilməsi, kobud çapıqların qalmaması bu üsulun üstünlüklərindəndir.

• Laparoskopik nefroektomiya – böyrəyin laparoskopik çıxarılması
• Laparoskopik piyeloplastika – böyrəyin ləyən sidik axarları seqmentinin darlıqlarında rekonstruktiv əməliyyat
• Laparoskopik ureterolitotomiya – böyük sidik axarları seqmentinin darlıqlarında laparoskopik olaraq daşın çıxarılması

Bizim həkimlər konsultasiyalar təşkil edərək, xəstələr haqqında dolğun məlumatlar toplayır, müayinə planı yazılaraq laborator və insturomental müayinələrdən keçirildikdən sonra yenidən konsultasiyalar təşkil olunaraq xəstəyə müalicə təyin olunur. Naxçıvan Mərkəzi Xəstəxanasının Urologiya şöbəsinin başlıca üstünlüyü ondan ibarətdir ki, bizim yüksək ixtisaslı mütəxəssislərimiz böyük təcrübəyə malikdirlər.

QADIN UROLOGİYASI

• Gərilimsiz vajinal askı əməliyyatları ( TVT – tension free vajinal tape) stress tip sidik qaçırmada edilən əməliyyat
• Sidik kisəsinə botoks inyeksiyası – neyrogen sidik kisəsində
• Subureteral maddə inyeksiyası – veziko ureteral refluksda (VUR) endoskopik əməliyyat
• Süni sfinkterin tətbiqi əməliyyatı– postprostatektomik total sidik qaçırma zamanı edilən əməliyyat

ÜMUMİ UROLOGİYA ( açıq əməliyyatlar )

• Açıq nefroektomiya – açıq metodla böyrəyin çıxarılması
• Açıq prostatektomiya – böyük həcmli prostatlarda (>100 gr )
• Açıq ureterolitotomiya – böyük sidik axarları daşlarında açıq əməliyyat
• Anatrofik nefrolitotomiya – mərcanvari və kompleks böyrək daşlarında açıq əməliyyat
• Piyelolitotomiya – açıq böyrək daşı əməliyyatı
• Sidik tənasül orqanlarının törəmələrində açıq radikal əməliyyatlar
• Uretroplastika – sidik kanalı darlıqlarında plastik əməliyyat

UROONKOLOGİYA

• Parsial və radikal nefroektomiya – böyrək törəmələrində böyrəyin ətrafındakı toxumalarla bərabər radikal çıxarılması
• Radikal nefroureterektomiya – sidik axarları və böyrək ləyəni törəmələrində böyrəyin ətrafındakı toxuma və sidik axarları ilə bərabər çıxarılması
• Radikal prostatotektomiya – prostat xərçəngində prostatın və vezikula seminalislərin regional limfa düyünləri ilə bərabər radikal çıxarılması
• Radikal sistekomiya və sidik diversiyası – invaziv sidik kisəsi törəmələrində sidik kisəsinin çıxarılması
• Sidik kisəsi törəmələrində – transuretral rezeksiya (TUR-ST)

Naxçıvan Mərkəzi Xəstəxanasının Urologiya şöbəsində ən çox edilən müayinə və əməliyyatlar: 

• Sidik ifrazat sistemin daş xəstəlikləri
• Açıq sidik axarları və böyrək daşları əməliyyatları
• Sidik kisəsi daşlarında açıq və endoskopik əməliyyatlar
• Prostatın qapalı və açıq əməliyyatları, biopsiyası + prostat TUR-ST
• Endoskopik (qapalı) böyrək daşı əməliyyatları(Perkutan nefrolitotomiya)
• Sidik axarları daşlarının endoskopik əməliyyatları(Holmium Lazer ilə ureterolitotromiya)
• Endoskopik (qapalı) sidik kisəsi daşı və şişlərinin əməliyyatları
• Laparoskopik böyrək daşları əməliyyatları
• Qadın uroloji xəstəlikləri
• Qadınlarda mövcud uroloji problemlərin diaqnostikası və müalicəsi
• Sidik yolları, böyrək şişlərinin müalicəsi
• Sidik kisəsinin radikal əməliyyatı, bağırsağ rezervuarı ilə əvəz edilməsi
• Prostat xərçənginin radikal cərrahi müalicəsi
• Uşaqlarda Hidronefrozun, VUR-un endoskopik və cərrahi müalicəsi
• Uşaq uroloji xəstəlikləri(kriptorxizm, hidrosel, hipospadiya)
• Təxirəsalınmaz uroloji müdaxilələr, stent və nefrostomanın yerləşdirilməsi
• Xaya biopsiyası, toxum materialın alınması(TESE)
• Uşaqlarda və böyüklərdə xaya patologiyaları(hidrosel,varikosel və s.)
• Laparoskopik (qapalı) uroloji əməliyyatlar(radikal nefroektomiya) və s.