Milli Qurtuluş Gününə həsr olunan növbəti aksiya 36 nəfərdən ibarət tibbi heyətin iştirakı ilə baş tutub.
Kəngərli Rayon Mərkəzi Xəstəxanasında təşkil olunan, Naxçıvan Muxtar Respublika Xəstəxanasının təşkilatçılığı ilə baş tutan aksiyada 259 sakin mindən çox tibbi prosedura cəlb olunub.
Gün ərzində laborator təhlillər, rentgen, elektrokardioqrafiya, ultrasəs müayinələri aparılıb, müvafiq təyinatlar verilib. Müayinələrin aparılmasında stomatoloq, rentgenoloq, kardioloq, endokrinoloq, oftalmoloq, nevropatoloq, fizioterapiya, USM aparatı, laborant və digər ixtisas həkimləri iştirak ediblər.
Aksiya zamanı qazi Elvin Əlizadənin 2 övladı sünnət edilib. Bütövlükdə isə 35 nəfər cərrahiyə xidmətindən yararlanıb.
